Сусветны лідэр піваварства, бельгійская кампанія InBev магчыма прадасць чэскі півавараны завод Staropramen. Гэтым крокам буйнейшая півавараная кампанія паспрабуе знайсці грошы на пакрыццё выдаткаў, звязаных са зліццём з амерыканскім гігантам Anheuser Busch.

У мінулым годзе кампанія InBev набыла свайго канкурэнта, амерыканскую кампанію Anheuser-Busch, за 52 мільярды даляраў. Да канца 2009 году InBev павінна пакрыць выдаткі, якія пайшлі на зліццё, а яны складаюць мільярды еўра. Адной з крыніцаў фінансавання можа стаць продаж некалькіх кампаній у Еўропе. Канкрэтная інфармацыя пра заводы, якія будуць прададзены, пакуль не абвяшчаецца. Цалкам магчымы продаж Staropramen, а па некаторых крыніцах, і нямецкай кампаніі Beck’s. Кошт піваварняў Staropramen па ацэнках спецыялістаў, складае каля 268 мільёнаў даляраў.

Кампанія InBev узнікла ў 2004 годзе ў выніку зліцця бельгійскай кампаніі Interbrew і бразільскай AmBev. Staropramen быў набыты Interbrew яшчэ ў 2000. Асноўныя брэнды, якімі валодала кампанія InBev да зліцця з Anheuser-Busch – Stella Artois, Beck’s, Bass, Brahma.

Photo © idnes.cz

Па колькасці выпітага спіртнога чэскія грамадзяне выйшлі на першая месца ў Цэнтральнай Еўропе. На кожнага сярэднестатыстычнага жыхара рэспублікі, уключаючы дзяцей, штогадова прыходзіцца 170 літраў выпітага піва, 19 літраў віна і больш за 8 літраў моцных алкагольных напояў.

Медыкі заклапочаныя тым, што 350 тысяч грамадзянаў рэспублікі маюць алкагольную залежнасць. Алкаголь з’яўляецца прычынай смерці 5 тыс чалавек штогадова, а ў 8 тыс выклікае ўзнікненне сур’ёзных захворванняў. Для краіны, насельніцтва якой складае менш 10,5 млн чалавек, гэта вельмі высокія паказчыкі, падкрэсліваюць нарколагі.

Пры гэтым у Чэхіі адзначаецца няўхільны рост колькасці выпітага спіртнога. Самым распаўсюджаным алкагольным напоем у рэспубліцы з’яўляецца піва. Яно найбольш цэніцца мужчынамі, у той час, як жанчыны, згодна статыстыцы, абіраюць віно.

Эксперты лічаць, што адной з асноўных прычын папулярнасці піва сярод чэскага насельніцтва з’яўляецца ягоны адносна нізкі, у параўнанні з заходнееўрапейскімі краінамі, кошт у рознічнай сетцы. Некаторыя спецыялісты выступаюць за неабходнасць павелічэння рознічных коштаў хмельнога напоя ў якасці магчымага сродка прадухілення алкагалізму. Варта заўважыць, што прыхільнікамі такога кроку з’яўляюцца, перадусім, прадстаўніцы далікатнага полу.

Крыніца: belbeer.com

Photo © Radio Prague

У Чэхіі ёсць ліманад з малінавым смакам, які называюць «малінаўка», папулярны сярод дзяцей і прадстаўніц чароўнага полу. У сваю чаргу, піваварня «Rohozec», якая месціцца ў Турнаве, вырашыла зварыць для спадарынь малінавае піва.

Першую пробную партыю жанчыны выпілі з задавальненнем у адной з піўных у прыродным запаведніку «Чэскі рай», што прыдала піваварам упэўненнасці ў папулярнасці новага гатунку піва. Паўцёмнае малінавае з 11% шчыльнасцю піва з саладкаватым прысмакам з’явіцца ў піўных Ліберэцкага краю падчас летняга турыстычнага сезону.

На піваварне «Rohozec» спадзяюцца, што піва прыйдзецца па густу ня толькі жанчынам, але і турыстам з Аўстрыі. Там шмат гадоў карыстаюцца папулярнасцю піўныя напоі з прысмакамі – лімонным і памарнчовым, якія прадаюцца амаль у кожнай краме.

Варта заўважыць, што чэскія півавары ўжо спрабавалі некалькі гадоў таму зварыць малінавае піва. А бельгійскае малінавае піва з’яўляецца нават своеасаблівым піўным сімвалам Бельгіі. Спецыфічнага смаку можна дасягнуць змешваючы звычайны портэр з малінавым сокам, альбо проста запіваючы ім. У Амерыцы нават выпускаюць гатункі малінавага портэру.

Крыніца: www.beerunion.ru

Photo © www.pivovary.info