Хаця некаторым прыхільнікам гэтага пеністага напою можа здацца, што не «замест», а «сумесна»… у Японіі ў продаж паступілі піўныя цукеркі.

Піўныя цукеркі сталіся адказам на нікім не зададзенае пытанне. У чымсьці гэта зручна, але асноўны сэнс піва беспаваротна згублены. Хіба халодныя бяздушныя кавалачкі могуць параўнацца з сябрам, які запрасіў выпіць па хуфлі піва?

Без запатнелага куфля, падступаючай да горла смагі і, само сабою, лёгкага шуму ў галаве. Ад піва застаецца хіба смак – а гэта у рангу Піўных Каштоўнасцяў далёка не самае важнае. Канешне, калі папіць піва, ну проста няма магчымасці, цалкам падыйдуць і цукеркі. Магчыма на гэта і разлічвае вытворца.

Набыць іх ў буйных японскіх крамах па кошце каля $3.75 за бляшанку могуць нават тыя, каму па ўзросце піць піва ранавата. Дарэчы, у той жа Японіі ўжо тры гады карыстаецца павышанай папулярнасцю, так званае, дзіцячае піва.

Крыніца: popsop.ru

Будысцкія манахі пабудавалі ў Тайландзе незвычайны храм. Будаўнічым матэрыялам для муроў і даху паслужылі пустыя піўныя бутэлькі. Храм называецца Уат Па Маха Кхедзі Кіў, але ў народзе ён атрымаў назву Уат Лан Куад, альбо «Храм мільёна бутэлек». Менавіта столькі «будаўнічага матэрыялу» спатрэбілася манахам. З’явілася гэтая архітэктурная пабудова ў 400 мілях ад тайландскай сталіцы Бангкоку, у правінцыі Сісакет, якая размяшчаецца каля мяжы з Камбоджа.

Бутэлькі манахі пачалі збіраць у 1984 годзе. Шкляных «цаглін» аказалася ў выніку так шмат, што іх вырашылі выкарыстоўваць у якасці будаўнічага матэрыялу. Пры гэтым манахам удалося пераканаць мясцовыя ўлады ў тым, каб яны таксама зрабілі свой бутэлькавы ўнёсак у архітэктурны праект. У выніку ўзнік цэлы храмавы комплекс, які ўключае каля 20 будынкаў. Ён уключае галоўны храм ля возера, крэматорый, малітвенныя пакоі, залу для цэрэмоніяў, ваданапорную вежу, памяшканні для турыстаў і некалькіх невялікіх бунгала, якія з’яўляюцца жыллём для манахаў. Бутэлькі не губляюць колер, даюць добрае асвятленне і іх лёгка чысціць ад бруду, сцвярджаюць жыхары шкляных хатак.

Для будаўніцтва выкарыстоўваліся зялёныя бутэлькі ад піва Heineken і карычневыя – ад тайскага піва Chang. Прычым у манахаў аказалася настолькі развітай экалагічная свядомасць, што нават мазайку з выявай Будды яны склалі з апрацаваных бутэлькавых коракаў. Усяго на будаўніцтва пайшло каля палутара мільёнаў бутэлек. Але манахі не збіраюцца спыняцца на дасягнутым. Збор бутэлек не спыняецца. «Чым больш бутэлек мы назбіраем, тым больш будынкаў мы пабудуем» – заявіў настаяцель манастыра.

«Храм мільёна бутэлек» уключаны ў спіс славутасцяў Паўднёва-Усходняй Азіі, ўхваленых для наведвання эколагамі.

Крыніца: telegraph.co.uk

Photo © Bronek Kaminski/Barcroft Media

Упраўленне ўнутраных справаў Мінскай вобласці прапануе забараніць продаж спіртных напояў і піва ў дні выдачы авансу і заробку, паведаміў намеснік Упраўлення аховы правапарадку і прафілактыкі УУС Мінаблвыканкаму падпалкоўнік міліцыі Вадзім Сіняўскі. 

Па яго словах, «правядзенне «Дня цвярозасці» ў дзень выдачы заробку будзе вельмі эфектыўным». «Безумоўна, гэта ня будзе 10 і 25 чысло кожнага месяца. У гэтым выпадку трэба арыентавацца на найбуднейшыя прадпрыемствы гарадоў: у Салігорску – «Беларуськалій», у Жодзіна – «БелАЗ», – адзначыў В.Сіняўскі. Пры гэтым ён дадаў, што ў Мінску і Мінскай вобласці ў лютым ужо прайшлі дні цвярозасці, у асноўным гэта было 14 лютага, сёння дзень цвярозасці праходзіць у Маладзечна, на сакавік графік яшчэ не сфармаваны.

Ва УУС Віцебскай вобласці паведамілі, што «Дні цвярозасці» ў раёнах Віцебскай вобласці пройдуць: 19 лютага ў Талочынскім і Гарадоцкім раёнах, 20 – у Лепельскім, у Чашніцкім раёне ў лютым будзе два цвярозых дні – 21 і 28, 21 лютага спіртное ня будуць прадаваць у Шумілінскім раёне, 24 – у Полацкім, 27 – у Глубоцкім, 28 – у Докшыцкім і Ушацкім, 1 сакавіка – у Пастаўскім. «Ва ўсіх астатніх раёнах вобласці «Дні цвярозасці» ў лютым ужо прайшлі, у Сенненскім раёне іх было нават 2», – удакладнілі ў УУС. Там дадалі, што «яшчэ ня вызначыліся з датай забароны на продаж спіртнога і піва ў лютым у Шаркоўшчынскім раёне. Магчыма гэта будзе 28 лютага».

У сваю чаргу УУС Гомельскай вобласці паведамілі, што ў Гомелі і Гомельскім раёне «Дзень цвярозасці» прызначаны на 21 лютага, у раёнах вобласці такія дні будуць праведзены да 23 лютага. Ва УУС адмовіліся паведаміць дакладныя звесткі, калі і ў якім раёне вобласці забароняць прадаваць спіртное і піва, спаслаўшыся на канфідэнцыйнасць інфармацыі.

Ва УУС Брэсцкай вобласці паведамілі, што «Дні цвярозасці» ў Ганцавіцкім, Лунінецкім, Іванаўскім, Каменецкім, Пінскім раёнах запланаваныя на 19 лютага, у Брэсцкім і Івацэвіцкім раёнам – 20 лютага, у Жабінкаўскім, Баранавіцкім раёнах – 24 лютага, у Бярозаўскім і Маларыцкім раёнах – на 25 лютага, у Баранавіцкім і Пружанскім раёнах – на 26 лютага.

Па інфармацыі органаў унутраных справаў Гродзенскай вобласці, 19 лютага «Дні цвярозасці пройдуць у Гродна, Воранаўскім, Зэльвенскім, Ів’еўскім, Навагрудскім раёнах, у Мастоўскім раёна – 20 лютага, у Свіслацкім і Шчучынскім раёнах – 21 лютага, у Ашмянскім раёне – 27 лютага.

На 23 лютага, калі ў краіне адзначаецца Дзень абаронца Айчыны, «Дзень цвярозасці» ні ў адным з раёнаў рэспублікі пакуль не запланаваны.

Крыніца: interfax.by

Photo © chicsonline.org

У Вене Стэфан Хольц адкрыў бар, дзе кліенты могуць папіць піва, гутарыць з сябрамі і забыць усе праблемы, седзячы на ўнітазе. Як лічыць уладальнік, гэтая незвычайная ўстанова дазваляе вызваліцца ад стрэсу.

Ніякіх табурэтаў альбо стульяў, але толькі ўнітазы. Называецца гэты бар «Спакойнае месца», і калі сапраўды туалет з’яўляецца тым месцам, дзе можна выключна ў спакоі і цішыні падумаць аб чым-небудзь, гэты бар цудоўна падыходзіць для тых, хто пасля дню працы жадае адпачыць і расслабіцца. Памяшканне бара «абсталяваны» ўнітазамі, якія маюць адзіную смыўную сістэму, і седзячы там, кліенты могуць абмяняцца парай словаў, пачытаць прэсу і сёрбаць пры гэтым які-небудзь напой.

Спадар Хольц наступным чынам тлумачыць сваю арыгінальную ідэю: «Туалет, магчыма з’яўляецца ці не апошнім месцам у свеце, дзе мужчыны могуць сядзець і адпачываць, і там нішто не адцягвае ўвагу, нават жанчыны». Напэўна Хольц, разважаючы над тым, што можа быць ухвалена кліентамі, правільна зразумеў што трэба многім: «Дзіўна, але я, атачоны гэтымі ўнітазамі, адчуваю сябе больш камфортна. А да таго ж, ці ня кажуць, што ўнітаз з’яўляецца тронам сучаснага мужчыны!?» – растлумачыў Андрэас Рэйдэр, адзін са сталых наведвальнікаў гэтага бару.

Крыніца: notizie.tiscali.it

Photo © notizie.tiscali.it

Беларускія вытворцы алкагольных і безалкагольных напояў да апошняга моманта не пакідалі надзею на тое, што падатковыя і прыродаахоўныя органы зменяць сваё рашэнне. Атрыманыя імі новыя патрабаванні па ўплаце падатку на здабычу вады ўзраслі ў 121,9 разы – на столькі, на колькі ў мінулым годзе была павялічана стаўка гэтага экалагічнага падатку. Зараз за тое, каб атрымаць з паверхневых крыніцаў альбо з-пад зямлі 1 куб.м. беларускай вады для выпуску любога напоя, у тым ліку піва, прыйдзецца плаціць столькі ж, колькі за здабычу 2,1 грама золата. Што цікава, плаціць па новых стаўках вытворцаў напояў абавязалі заднім лікам – з 1 ліпеня 2008 году. 

Змяненні ў стаўках экалагічнага падатку, уключаючы стаўку на здабычу вады для выраблення алкагольных і безалкагольных напояў, былі зроблены ў верасні мінулага году на аснове ўказу Прэзідэнта Рэспублікі Беларусь №492. Менавіта па гэтаму дакементу памер падатку на здабычу такога рэсурсу, як звычайная пітная вада (нават не мінеральная), узрос у 121,9 разы – з 41 рубля за 1 куб.м да 5000 рублёў. Для параўнання: стаўка падатку на пітную ваду і ваду для гаспадарчых патрэбаў для насельніцтва і працаўнікоў прадпрыемстваў складае ўсяго 9,5–14 рублёў (у залежнасці ад таго, паверхневыя гэта ці падземныя крыніцы) за 1 куб.м, для СВК і фермераў – 0,48–0,8 рублёў за 1 куб.метр.

Яшчэ адно параўнанне можна правесці з падаткамі на здабычу вады ў Расіі, кампаніі якой з’яўляюцца асноўнымі канкурэнтамі беларусаў на піўным рынку. Так, у Расіі ў залежнасці ад рэгіёну стаўка падатку на здабычу вады складае ад 300 да 400 расійскіх рублёў (24-32 тысячы беларускіх рублёў). Але заўважце – не за 1 куб.м, а за 1000 куб.м. Відавочная канкурэнтная перавага расійскіх вытворцаў.

Але паралельна бачная і яўная мэта гэтых мераў, прынятых па ініцыятыве Міністэрства па падатках і зборам. МПЗ, падтрымліваемае Міністэрствам прыродных рэсурсаў і аховы навакольнага асяроддзя, не скрывае, навошта спатрэбілася павялічваць стаўку: каб павялічыць падатковыя паступленні. Пры існай у краіне колькасці вытворцаў алкагольных і безалкагольных напояў і тых аб’ёмаў вады, якія яны штодзённа здабываюць для свайго вытворчага працэсу, гэты падатак сапраўды можа стаць новай залатаноснай жылай для казны.

Адзін просты прыклад. Па новай стаўцы падатку на здабычу вады ЗЗАТ «Піваварная кампанія «Сябар» павінна была заплаціць у 2008 годзе 8 млн рублёў. Пасля зменаў у заканадаўстве ёй зараз выстаўлены патрабаванні на суму ў 105 разоў большую – 840 млн рублёў. З улікам вытворчага плану на гэты год «водны падатак» павінен быў абысціся прадпрыемству ў 34 млн рублёў, а выйдзе – у 3,5 млрд. Удзельная вага гэтага падатку ў сабекошце піва адпаведна ўзрасце з 0,03% да 3,7%.

3,5 млрд рублёў – гэта па сённяшнім курсе каля 900 тыс.еўра, сапраўды істотная сума, якую атрымае бюджэт толькі з аднаго прадпрыемства і толькі ў адной галіне. А трэба ўлічваць, што яшчэ існуюць і вытворцы лікёра-гарэлачных вырабаў, вытворцы безалкагольных напояў, сокавыя заводы і іншыя прадпрыемствы, якія ўжываюць ваду. Цяпер ужо сапраўды залатую ваду.

Крыніца: ej.by

Photo © improvemyincomenow.com

Брытанская сетка пабаў Dukedom Group вырашыла змагацца з фінансавым крызісам, прапанаваўшы пінту піва ўсяго за адзін пенс (40 беларускіх рублёў). Кампанія адмаўляе абвінавачванне ў тым, што яе ініцыятыва заахвоціць да неумеранага п’янства і разгулу. Па яе меркаванню, мера накіраваная на тое, каб дапамагчы кліентам перажыць эканамічныя цяжкасці.

Група, якая мае 32 пабы па ўсёй Вялікабрытаніі, прапануе пінту Tetley за 1 пенс кліентам, якія заказваюць штосьці са спіртнога. «Крызіс – складаны час для ўсіх, і шмат людзей будуць думаць перад тым як вырашыць правесці вечар ва ўстанове», – сказаў прадстаўнік кампаніі Расэл Вікерс.

«Мы спадзяемся, што прапанова пінты піва Tetley за 1 пенс з замовай гарэлкі, брэндзі, віскі, рома альбо джына (што звычайна каштуе ня менш за 1,99 фунтаў), дазволіць нашым кліентам адчуваць, што яны ўсё яшчэ могуць атрымліваць асалоду ад сяброўскіх размоваў у камфортных мясцовых пабах, і пры гэтым не баяцца вялікага рахунку», – адзначыў ён.

Вікерс катэгарычна адмаўляе, што гэтая прапанова заахвоціць да разгульных паводзінаў ангельцаў, бо яна дзейнічае толькі на адну пінту піва і адзін стакан спіртнога. «Звычайна моладзь абірае ня гэтае», – сказаў ён. – «Нашы супрацоўнікі дастаткова кваліфікаваныя і могуць адмовіцца абслугоўваць любога, хто, па іх меркаванню, ужо перабраў». Па яго меркаванню, гэта ўсяго толькі спроба даць кліенту магчымасць выпіць у той час, калі хатнія бюджэты церпяць цяжкасці, піша Daily Mail.

Крыніца: www.belbeer.com

Photo © wn.com