Эстонская піваварня A. Le Coq запусціла вытворчасць першага эстонскага кукурузнага піва – A. Le Coq Maiz.

Па словах дырэктару A. Le Coq Тармо Ноопа прадпрыемства хоча прапанаваць спажыўцу экзотыку, паколькі кукурузнае піва папулярна перш за ўсё ў паўднёвых краінах. Кукурузны солад надае смаку піва надзвычайную лёгкасць. Напой цудоўна падыходзіць у якасці дадатку да вострых страў.

Пры стварэнні A. Le Coq Maiz 20% ячменнага соладу было заменена на кукурузны. Новае летняе піва ўтрымлівае 4,6% алкаголю, разліта ў шкляныя бутэлькі аб’ёмам 0,33 л

На піваварні кампаніі Heineken у Санкт-Пецярбурзе пачаўся выпуск новага гатунку піва маркі Doctor Diesel. Новае піва прэміюм клясы мае даволі інтрыгуючую назву – Doctor Diesel Sexy Lime (Доктар Дызель Сэксі Лайм).

Sexy Lime – гэта лёгкі гатунак піва са смакам лайма, які быў распрацаваны зыходзячы з густу спажыўцоў. Мэтавая аўдыторыя гэтага піва – маладыя дынамічныя людзі, якія любяць клубнае жыцьцё і для каго стыль зьяўляецца нечым большым, чым сьляпая імітацыя. Мяркуючы па выніках праведзеных дэгустацый, новы гатунак Доктара Дызеля будзе мець высокі попыт сярод моладзі.

Ультрасучасны дызайн упакоўкі як і раней увасабляе неперасягальны арыгінальны стыль маркі Doctor Diesel. Новы гатунак піва разьліваецца ў бутэлькі з празрыстага рэльефнага шкла аб’ёмам 0,5 л. з яркай этыкеткай на прызрыстай плёнцы і коракам twist-off.

Як адзначае кампанія «САБМіллер РУС», у канцы траўня на заводзе ў Калузе пачалася вытворчасьць і продаж новага гатунку сьветлага піва «Залатая Бочка Плятынавае».

«Мы вырашылі прыдаць брэнду «Залатая Бочка» імпульс з дапамогай новага лёгкага піва «Залатая Бочка Платынавае», унікальнага прадукта як з пункту гледжаньня смаку, так і ўпакоўкі, – кажа дырэктар па маркэтынгу «САБМіллер РУС» Бэртран ван Рэнінг. – Мы ўпэўнены, што новы гатунак прыцягне ўвагу больш дынамічных спажыўцоў, адчыненых да новых густаў».

«Залатая Бочка Плятынавае» варыцца з выкарыстаньнем адборных мягкіх гатункаў хмелю, што дазваляе дасягнуць лёгкага і асьвяжаючага смаку сапраўднага піва. Новы гатунак адрозьніваецца ад папярэдніх гатункаў шэрагу брэнду «Залатая Бочка» і ўпакоўкай, кампанія «САБМіллер РУС» упершыню выкарыстала празрыстую этыкэтку.

Экспэрты адзначаюць, што ў апошні час спажыўцы расійскага піва аддаюць перавагу лёгкім гатункам піва. Пры гэтым, пяць найбольш пасьпяховых прапановаў у дадзенай катэгорыі займаюць на рынку амаль 20% прэміяльнага сегменту.

Брэнд «Залатая Бочка» – адзін са старэйшых лакальных прэміяльных брэндаў на расійскім рынку і займае другое месца ў прэміяльным сегменце, доля якога ў эканамічных паказчыках складае 11,0% (па дадзеных кампаніі Nielsen, сакавік 2009). Да апошняга часу партфель брэнду «Залатая бочка» складаўся з чатырох гатункаў, арыентаваных на розныя аўдыторыі і на розныя сытуацыі спажываньня, цяпер брэнд папоўніцца навінкай, якая адказвае апошнім тэндэнцыям рынку і дазволіць пашырыць аўдыторыю брэнду.

Photo © alcnet.ru

Віцебская кампанія «Дзвінскі бровар» паведамляе пра выпуск новых гатункаў свайго піва. Тры новыя гатункі піва «Дзвінскі бровар» будуць прадстаўлены на міжнароднай выставе «ПІВА-2009» у Мінску.

18-ая міжнародная выстава «ПІВА-2009» пройдзе ў Мінску з 7 па 10 красавіка 2009 году ў павільёне БелЭКСПА па адрасе пр-т Пераможцаў 14. На гэтай выставе віцебскае прадпрыемства прадставіць тры новыя гатункі з шэрагу гандлёвай маркі «Дзвінскі бровар»: «Лёгкае», «Губернскае» і «Цёмнае золата». У продаж піва павінна паступіць ужо ў канцы красавіка – пачатку траўня гэтага году.

Нагадаем, што першы гатунак пад маркай «Дзвінскі бровар» – «Моцнае» быў выпушчаны ў сярэдзіне лістападу 2008 году. Па словах вытворцы, маркай «Дзвінскі бровар» будзе заменена старая гандлёвая марка «Мікалаеўскае». Адзінае, што застаецца не да канца зразумелым – ці будзе новае піва, як і ягоны папярэднік, непастэрызаваным. Пакуль дакладная інфармацыя адсутнічае, але мяркуючы па ўсім, «Дзвінскі бровар» усё ж стане пастэрызаваным, паколькі першы гатунак, «Дзвінскі бровар – Моцнае», з’яўляецца пастэрызаваным. У перспектыве, піва «Дзвінскі бровар» зойме каля 65% у агульным аб’ёме выпускаемага кампаніяй піва.

Да выпуску піва гандлёвай маркі «Дзвінскі бровар», аднайменнае прадпрыемства спецыялізавалася на непастэрызаваным піве. Выпускалася піва двух марак: «Мікалаеўскае» (гатункі: «Светлае», «Цёмнае», «Пілзнер») і ліцэнзаванае нямецкае піва «Urstein» (гатункі: «Premium», «Dunkles Bier», «Export», «Па-Кельнскі»).

Шматлікія аўстралійскія аматары піва нават і ня марылі пра такое: дзяўчына з этыкеткі бутэлькі здымае свой бікіні тым хутчэй, чым хутчэй півахлёб паглынае яе змесціва. Тры сябры з Сіднэю вырашылі заваяваць аўстралійскі піўны рынак дзякуючы ўнікальнай ідэі афармлення свайго новага піва.

Марка нізкавугляводнага піва «Skinny Blonde» спрабуе заняць сваю нішу рынку ва ўмовах шырокай папулярызацыі ў Аўстраліі культуры «здаровага» піва. Але сваю папулярнасць гэтая марка атрымала ўсё ж па іншай прычыне: бутэлька «Skinny Blonde» упрыгожана ў стылі 50-х гадоў выявай манекеншчыцы па імю Дэйзі, пры гэтым бікіні Дэйзі знікае, калі ўзровень піва памяньшаецца і бутэлька награваецца. Гэты эфект створаны дзякуючы найноўшым тэхналогіям, якія выкарыстоўваюцца ў паліграфіі.

Маркетынгавая хітрасць, безумоўна ўнікальная ў свеце, нарадзілася тры гады таму, калі Хэміш Росэр і ягоныя калегі – актор Рычы Харкам і мастак Джэррад Тэйлар, вырашылі зрабіць так, каб «п’яныя ідэі станавіліся рэальнасцю». Ужо ў снежні 2008 году піва пад экстравагантнай этыкеткай паступіла ў продаж і хутка атрымала неверагодную папулярнасць сярод заядлых наведвальнікаў піўных пабаў.

Photo © Stephen Cooper/The Sydney Daily Telegraph

Некалькі дзён таму расійская півавараная кампанія «САН ИнБев» паведаміла пра пачатак выпуску безалкагольнага піва маркі «Stella Artois» на Клінскім вытворчым комплексе. Ужо ў канцы сакавіка спажыўцы змогуць атрымліваць асалоду ад неверагоднага смаку бельгійскага піва не п’янеючы.

Спалучэнне стандартаў смаку класічнай «Stella Artois» і надзвычайна нізкай моцнасці стала магчымым дзякуючы выкарыстанню ўнікальнай тэхналогіі вытворчасці і высокаякасных інгрэдыентаў. Недалёка ад «класікі» адышоў і дызайн этыкеткі.

Мэнэджэр групы брэндаў кампаніі «САН ИнБев» Іна Паходня наступным чынам каментуе выпуск новага гатунка «Stella Artois»: «Для нашай кампаніі, якая традыцыйна выступае за адказнае спажыванне піва, праект «Стэла Артуа Безалкагольнае» мае асаблівае значэнне. Зараз у нашых спажыўцоў з’явілася магчымасць сумясціць атрыманне асалоды ад любімага смаку і кіраванне аўтамабілем».

На Ўкраіне безалкагольную «Stella Artois» выпускаюць ужо два з паловай гады. Там гэты гатунак піва дастаткова моцна прыжыўся, паколькі на момант запуску быў першым безалкагольным півам суперпрэміяльнага сегменту.

Photo © suninterbrew.ua

Кампанія «Ачакава» паведамляе пра выпуск новага гатунку свайго піва. У гэты раз «Ачакава» стала першай расійскай кампаніяй, якая выпускіла паравое піва. Стварэнне паравога піва спалучае ў сабе як верхавое, так і нізавое браджэнне.

Узнікла піва дадзенага гатунку ў Каліфорніі ў 19 стагоддзі, калі на броварах часцей за ўсё быў недасяжны ня толькі лёд, але і звычайная халодная прыродная вада. Таму каліфарнійскім піваварам нічога не заставалася, як выкарыстоўваць «холадалюбячыя» дрожджы для лагеру, але зброджваць піва пры высокіх тэмпературах (як пры стварэнні элю). Па сканчэнні першаснага браджэння другаснае браджэнне адбываецца так энэргічна, што калі ў барах у 19 стагоддзі адчынялі бочкі з напоем, то з іх з шумам вылятаў корак. Менавіта гэты працэс «выпускання пары» і падараваў піву назву – паравое (Steam beer).

Як паведамляе вытворца, « Ачакава Steam beer» – асаблівае піва ў шэрагу «Ачакава», якое спалучае лепшыя ўласцівасці элю і лагеру. Дадзены гатунак піва на пастырызуецца (замест пастэрызацыі выкарыстоўваецца тэхналогія халоднай фільтрацыі) і ствараецца цалкам з натуральных інгрыдыентаў. Гэтае піва ўтрымлівае звычайны светлы солад і сумесь спецыяльных соладаў, распрацаваных у кампаніі «Ачакава».

У выніку складанага працэсу піваварэння напой атрымлівае благародны бурштынавы колер, насычаны соладава-гарэхавы водар і злёгку «садавінны» соладавы смак. Піва моцнасцю 3,8% арыентавана на моладзевую аўдыторыю. Дызайн этыкеткі распрацавала амерыканская кампанія TAILOR DESINGS WORLD inc.

Photo © beermerchants.com

Другі па велічыні вытворца піва ў Эстоніі, бровар A. Le Coq, выпусціў новае меднае піва A. Le Coq Special Red. Выпуск новага гатунку звязаны з 200-годдзем гандлёвай маркі заводу.

A. Le Coq Special Red – гэта якаснае чырвонае піва, лёгкае меднае адценне якога ствараецца карамельным соладам. Як і іншыя хмельныя напоі з сямейства Special, новае піва мае вытрыманы смак і ўстойлівую пену, паведамляе прэс-служба заводу.

У рэцэптуры A. Le Coq Special Red выкарыстоўваецца асаблівы хмель, які абараняе меднае адценне піва ад уздзеяння святла, што дазваляе разліваць піва ў празрыстыя бутэлькі. Пры стварэнні новага піва акрамя звычайнага светлага соладу, выкарыстоўваўся і чырвоны карамельны солад, які і прыдае піву гэтае меднае адценне. Піва моцнасцю 5,2% зроблена традыцыйным метадам нізавога браджэння, разліваецца ў бутэлькі аб’ёмам 0,5 літры.

Сваю папулярнасць A. Le Coq Special Red зможа прыдбаць яшчэ і таму, што стане адзіным на сённяшні момант эстонскім «медным» півам, якое масава прадаецца ў паўлітровых бутэльках. Аналагічны прадукт сіламяэскага піўзавода (Sillamäe Õlletehas) даступны толькі ў вялікіх падарункавых бутэльках і ў некаторых барах Эстоніі.

Па словах кіраўніка A. Le Coq Тармо Ноопа, прадпрыемства выйшла на пазіцыі лідэра ў Эстоніі па продажы піва класа супер-прэміўм, якім і з’яўляецца A. Le Coq Special. Прадпрыемства плануе ў гэтым годзе прадаць больш з чатыры мільёны літраў супер-прэміяльнага піва.

Крыніца: postimees.ee

Дацкая кампанія Carlsberg выпусціла на сваім бровары Jacobsen абмежаваную партыю піва «Vintage No. 2». Было выраблена толькі 600 бутэлек гэтага эксклюзіўнага напою. Кошт кожнай бутэлькі складае 2009 дацкіх крон, г.зн. больш за 250 еўра. Такім чынам, «Vintage No. 2» стаў адным з самых дарагіх гатункаў піва ў свеце. Год таму Carlsberg выпусціў «Vintage No. 1» па кошце 2008 крон.

«Трылогіяй Вінтажа мы жадаем паказаць, на што здольнае піва. Выкарыстоўвая нашы іннавацыі і магчымасці піваварства, мы жадаем змяніць супер-дарагі сегмент гурманнага рэстараннага рынку спіртных напояў», кажа півавар Мортэн Ібсэн (Morten Ibsen), як разам з чатырма іншымі піваварамі распрацаваў «Vintage No. 2». «Vintage No. 2» з’яўляецца адзіным сучасным півам, якое напрацягу 100 дзён даспявала ў гістарычным склепе бровару Якабсэн, адкуль з 1847 году піва ў дубовых бочках пастаўлялася ў Францыю.

Піва «Vintage No. 2» мае бляскучы чорны колер, і пену, падобную на пену эспрэсса, а густ раскрываецца тонкімі ноткамі ванілі і какавы/мока. Водар выразна намякае на пах дзёгцю і пенькі, які сыходзіць ад вэнджанага на торфе Шатландскага соладу, які быў прывезены з Шатландыі выключна дзеля стварэння гэтага напою. «Vintage No. 2» цудоўна спалучаецца з вустрыцамі, ракамі, Пармскай вяндлінай і сырам. А калі вы жадаеце чаго-небудзь салодкага, шакалад і крэм-бруле цудоўна пасуюць гэтаму піву.

Кожную бутэльку Вінтажа ўпрыгожвае этыкетка, створаная ўручную метадам літаграфіі мастаком Марка Эварысці (Marco Evaristti). «Мы абралі Марка для стварэння этыкетак, бо цэнтрам ягонай творчасці з’яўляецца бескампраміснасць, наватарства і настойлівасць… як і корнем трылогіі Вінтажа», кажа Мортэн Ібсэн. Марка Эварысці стварыў пяць розных этыкетак для гэтага піва, ключавым вобразам якіх з’яўляецца фігура слана. Такім чынам, кожная бутэлькі піва «Vintage No. 2» мае толькі 125 аналагаў, што зробіць яе сапраўднай разынкай у калекцыях.

Крыніца: carlsberggroup.com

Кампанія «Ачакава» (рус: «Очаково») пашырыла шэраг свайго піва. Новы гатунак ад расійскага вытворцы – «Ачакава Моцнае». Справа ў тым, што гатунак «Ачакава Моцнае» выпускаўся і раней, але зараз ягоная моцнасць узрасла на 1,5% і дасягнула 8%. Такім чынам узнік новы прадукт – «Ачакава Моцнае» 8%. Дадзены гатунак спалучае ў сабе моцнасць і арыгінальнасць смаку.

«Ачакава Моцнае» 8% – класічнае моцнае светлае піва з яскрава выражаным смакам. Зараз менавіта яно з’яўляецца самым моцным гатункам у шэрагу «Ачакава». Высокае ўтрыманне спірту ў піве «Ачакава Моцнае» 8% дасягаецца высокай шчыльнасцю піўнога сусла і поўным тэхналагічным цыклам браджэння пры выкарыстанні высакаякасных хмелю ды соладу. Вада, якая выкарыстоўваецца пры варцы, як і раней праходзіць дасканалую трохступеневую падрыхтоўку. Піва «Ачакава Моцнае» 8% з’яўляецца 100% натуральным прадуктам.

Пры вырабленні піва «Ачакава Моцнае» 8%, як і ўсяго шэрагу піва «Ачакава», выкарыстоўваецца тэхналогія «халоднай фільтрацыі». У працэсе вырабу піва праходзіць спачатку праз пласт прыроднага фільтра, а затым падвяргаецца халоднай фільтрацыі. Халодная фільтрацыя ажыццяўляецца праз мелкасітаватыя палімерныя мембраны, якія настолькі эфектыўна фільтруюць напой, што нават не патрабуецца ягоная наступная пастэрызацыя.

Піва «Ачакава Моцнае» выпускаецца ў досыць зручным для асноўных спажыўцоў падобнага піва фармаце – ПЭТФ-бутэльцы аб’ёмам 1,5 і 2,5 літры. Тэрмін прыгоднасці – 5 месяцаў.

Нагадаем, што кампанія «Ачакава» выпускае піва такіх марак, як «Ачакава», «Ачакава Прэміўм», «Ячменны каласок», «Жыгулёўскае», а таксама вядомых нямецкіх марак «Altstein» і «Kaltenberg».

Крыніца: ochakovo.ru