На гэты раз прадстаўляем вашай увазе досыць цікавы спосаб варэння піва. Для прыгатавання такога напою вам нават не спатрэбяцца класічныя хмель ды солад.

3551) Піва з хваёвых парасткаў. Зрэзаць маладыя парасткі хвоі, даўжынёю ад 3 да 4 дзюймаў, пакрышыць на маленькія кавалачкі, зварыць у вадзе, працадзіць праз тканіну. На вядро вадкаскі пакласці 2 фунта цукру, варыць, пакуль не згусцее, як вадкая патака, зліць у бочачку, закупорыць, захоўваць у халодным, але сухім месцы, нават напрацягу цэлага году. Гатуючы піва, браць на кожныя 30 бутэлек вады – па 2 бутэльцы хваёвага адвару, кіпяціць дзьве гадзіны, даць астудзіцца, уліць у вінную бочку, пакінуць для браджэння, потым разліць па бутэльках.

Як бачым, рэцэпт просты, але не факт, што такі напой прыйдзецца па густу кожнаму.

Іншыя рэцэпты гэтага раздзелу

Чарговы рэцэпт прыгатавання піва ў хатніх умовах. Піва хуткаспелае.

3547) Піва хуткаспелае. Узяць 3 шклянкі соладу і ¼ фунту хмелю, які старанна расцерці з мукою, усыпаць у спічасты мех; шырокай адтулінай трымаць пад кранам самавару падчас ягонага кіпення, а пад вострым зашытым канцом паставіць кадку; трэба каб выцекла з самавару 12 бутэлек кіпню і каб цекла ня хутка, а з напаўадчыненага крану. Піва прастудзіць у кадцы да цеплыні сырадою; тады ўліць у яго 2 шклянкі цёмнай добрай патакі і паўшклянкі самых лепшых дрожджаў, а калі піва пераходзіць, разліць у бутэлькі, закаркаваць і да ўжывання трымаць у халодным месцы.

Заўвагі: У дадзеным выпадку маецца наўвазе расійскі фунт, які ў расійскай сістэме мер уяўляў сабою адзінку вымярэння масы, і быў роўны 0,4095 кг. Выкарыстоўваўся ў якасці эталону масы ў Расійскай імперыі з 1747 па 1920 год.

Іншыя рэцэпты гэтага раздзелу

Photo © http://www.liveinternet.ru/users/silverz/

Мы пачынаем публікацыю рэцэптаў, прысвечаных піваварству і прыгатаванню некаторых страваў з піва. Рэцэпты ўзятыя з 24 выдання кнігі «Подарок молодымъ хозяйкамъ или средство къ уменьшенію расходовъ въ домашнемъ хозяиствѣ» Алены Малахавец, выдадзенага ў Санкт Пецярбурзе ў 1904 годзе. Публікавацца будуць пераклады гэтых рэцэптаў з захаваннем аўтарскага стылю. Усе рэцэпты гэтага раздзелу будуць даступныя па спасылцы. Рэцэпт першы: піва хатняе.

3546) Піва хатняе. Узяць соладу жытняга, змолатага 1 гарнец, мукі жытняй таксама 1 гарнец, зацерці ўсю гэтую муку цёплай вадою. Потым узяць гліняны вялікі гаршчок, пракруціць у ім адтуліну для спуску сусла, наслаць на дно саломы, перакласці ў яго цеста, накрыць крышкаю і паставіць у самую гарачую печ; выняць гэтае цеста на ранкам наступнага дню і зліць сусла, даліць кіпнем і зноўку зліць. Зварыць на гэтую прапорцыю жменю хмелю, пакласці ў сусла; калі яно ўсё сальецца, пакласці на гэтую порцыю шклянку дрожджаў; калі ўсё піва пераходзіць, разліць яго ў бутэлькі, добра закаркаваць; усяго з гэтай прапорцыі павінна выйсці піва ад 25 да 30 бутэлек.

Заўвагі: Гарнец – славянская адзінка вымярэння аб’ёму сыпучых рэчываў, прычым у розных мясцовасцях гэтая велічыня вар’іравалась ад 2 да 7 літраў. У дадзеным выпадку маецца наўвазе расійскі гарнец, які быў роўны 3,27 літры.