Піўны тост «За Абалонь» быў занесены ў Кнігу рэкордаў Гінэса за колькасць чалавек, якія адначасова яго прамовілі. Праўда, пакуль што ў «Кнігу Рэкордаў Украіны».

Новы рэкорд Украіны быў устаноўлены 22 траўня падчас святкавання 30-годдзя карпарацыі «Абалонь». Ва ўстанаўленні рэкорду прымалі ўдзел 2123 супрацоўнікі карпарацыі, якія адначасова прамовілі тост «За Абалонь!».

Прадстаўнік Нацыянальнага праекту «Кніга Рэкордаў Украіны» Вячаслаў Тадарашка каментуючы новы рэкорд Украіны, адзначыў, што «ветлівасць і добрыя намеры арганізатараў, якія сабралі сваіх супрацоўнікаў, – гэта першапрычына такога ўнікальнага дасягнення. Юбілей, у першую чаргу, паказвае іх яднанне як адной каманды».

Эстонская піваварня A. Le Coq запусціла вытворчасць першага эстонскага кукурузнага піва – A. Le Coq Maiz.

Па словах дырэктару A. Le Coq Тармо Ноопа прадпрыемства хоча прапанаваць спажыўцу экзотыку, паколькі кукурузнае піва папулярна перш за ўсё ў паўднёвых краінах. Кукурузны солад надае смаку піва надзвычайную лёгкасць. Напой цудоўна падыходзіць у якасці дадатку да вострых страў.

Пры стварэнні A. Le Coq Maiz 20% ячменнага соладу было заменена на кукурузны. Новае летняе піва ўтрымлівае 4,6% алкаголю, разліта ў шкляныя бутэлькі аб’ёмам 0,33 л

20-гадовая Лоры Хол стала першым у гісторыі чалавекам, у дачыненні да якога была прыменена новая заканадаўчая норма, згодна з якой брытанцам могуць забараняць наведванне пітных установаў, ды і ўвогуле пакупку алкаголю, калі яны паводзяць сябе асацыяльна ў нецвярозым стане.

Забарона, якая будзе дзейнічаць на працягу двух гадоў, накладзена, паколькі жыхарку гораду Бромсгроўв у англійскім графстве Вустэршыр неаднаразова арыштоўвалі за п’яны дэбош. Мясцовыя пабы ўжо і так перасталі яе пускаць, аднак зараз такія меры замацаваныя рашэннем суду. За парушэнне гэтага рашэння на выпівоху будзе накладзены штраф.

Ва ўсім свеце півавары імкнуцца зварыць як мага больш смачнае піва. Крытэрыі смачнасці могуць быць рознымі, але ёсць пэўная група аматараў пеннага напою, якія лічаць найсмачнейшым найбольш горкае піва. Каб ахарактарызаваць гаркату піва ўведзена нават спецыяльная міжнародная шкала, найбольш горкія гатункі фіксуюцца ў «кнізе рэкордаў Гінэса». Так вось, не так даўно ангельскі півавар Пітэр Фоўлер зварыў чарговае самае горкае піва ў свеце. Хто ведае, хто і калі здолее абысці гэтага півавара.

Горкасць піва вымяраецца ў «міжнародных адзінках горкасці» («International Bitterness Unit») – гэтая адзінка фактычна паказвае колькі ў піве ўтрымліваецца мільённых частак (ppm) горкіх кіслот. Менавіта альфа-горкія і бэта-горкія кіслоты, што ўтрымліваюцца ў хмелі, вызначаюць горкасць піва.

Большасць гатункаў піва маюць велічыню IBU каля 16, портэры маюць IBU ад 20 да 40. Напрыклад, расейскае піва «Балтыка №3» мае горкасць ад 8 да 15 адзінак IBU, ірландскі «Guinness» – каля 45 IBU. Папярэдні рэкорд у горкасці належаў амерыканскаму піву Devil Dancer Triple IPA, якое ўтрымлівае 200 адзінак горкасці. Новы ж рэкорд, якога дасягнуў Фоўлер – 323 адзінкі IBU.

Пітэр Фоўлер, уладальнік невялічкага бровару «Pitstop Brewery» недалёка ад гарадку Вантэдж, два гады працаваў над рэцэптам самага горкага піва. Дасягнуць такой горкасці ён здолеў дзякуючы выкарыстанню спецыяльных гатункаў хмелю «Simcoe», «Centennial» і «Chinook», і спецыяльнага экстракту хмелю «Isolone». Аднак як прызнаецца сам Пітэр, шмат выпіць такога піва не атрымаецца – сам ён здольны выпіць толькі паўкуфлі свайго горкага шэдэўра. Але гэтага дастаткова, каб у роце трымаўся прыемны смак піўной горкасці на працягу чатырох гадзін.

У мінчан нарэшце з’явілася магчымасць набыць піва нашых суседзяў – у Мінску пачалі продаж літоўскага піва Švyturys.

Найстарэйшы піўзавод Літвы Швытурыс (Švyturys) быў заснаваны ў 1784 годзе. І з таго часу гэты бровар Клайпеды радуе літоўцаў і гасцей краіны вельмі якасным і смачным півам. Шэдэўры півавараў Švyturys былі высока адзначаны і атрымалі першы залаты медаль яшчэ ў 1883 годзе падчас міжнароднага кірмашу ў Клайпедзе.

Першы погляд на бутэльку літоўскага піва можа «прыемна» здзівіць – недзе мы гэта ўжо бачылі. Так, вы не памыліліся – стыль бутэлькі той самы, што і ў беларускай «Аліварыі». Рэльеф на бутэльцы і фольгавыя этыкеткі маюць неверагоднае падабенства. І гэта недарма – справа ў тым, што піваварня Švyturys з’яўляецца часткай Baltic Beverages Holding, якому належыць 30% усіх акцый «Аліварыі». Холдынг Baltic Beverages з’яўляецца асноўным інвестарам Аліварыі і мае найбольшы пакет акцый гэтага беларускага бровару. Ды і смак некаторых гатункаў Швытурысу вельмі нагадвае Аліварыю – той жа Экстра. А вось «Белае золата» зусім не дацягнула да літоўскага «Švyturys Baltas».

Літоўскае піва і раней можна было сустрэць у Беларусі. Час ад часу яно з’яўлялася ў маленькіх крамах Мінску, працяглы час прадавалася на аўтазапраўках «United Company». Зараз пастаўшчыкі Швытурысу абяцаюць забяспечваць гэтым півам буйнейшыя сталічныя супермаркеты. Але ж на дадзены момант піва «Švyturys» было заўважана толькі ў супермаркеце «Радзівілаўскі», што месціцца ў гандлёвым комплексе «Сталіца» і ў паб-клубе «Графіці». Шкада, што пакаштаваць разліўны «Švyturys», не выязджаючы за межы нашай краіны, пакуль не атрымаецца.

Кошт адной бутэлькі піва ў крамах Мінску – каля 6,5 тысяч беларускіх рублёў, у клубе Графіці – 9 тысяч.

Зімой вельмі актуальнымі з’яўляюцца эфектыўныя рэцэпты для лекавання прастудных захворванняў. Цудоўным сродкам для лекавання хворага горла з’яўляецца цёплае піва. Прапануем вам тры розныя рэцэпты прыгатавання такога напою.

Варыянт №1

Гэта піўны кактэйль мае большае утрыманне алкаголю, бо акрамя піва ў склад уваходзяць ром і джын. Спачатку змешваюцца ўсе інгрэдыенты акрамя піва, а ўжо пасля дадаецца гарачае піва. Разам змешваюцца 2 яечных жаўтка, 2 сталовыя лыжкі цукру, дзве дробкі молатага імбірнага карэння, 20 мл рому, 20 мл джыну. Асобна падагрэць 3 шклянкі светлага піва, ні ў якім разе не даводзячы да кіпення. Дадаць піва ў прыгатаваную сумесь.

Варыянт №2

Змяшаць 250 мл вады, 80-100 г цукру, цэдру паловы лімону, 2-3 бутоны гваздзікі, кавалачак кары цынамону. Нагрэць і пракіпяціць на працягу адной хвіліны. Затым працадзіць і дадаць да фільтрату дзве бутэлькі піва. Давесці сумесь амаль да кіпення і дадаць 250 мл малаку з папярэдне размяшанай у ім 1,5 сталовай лыжкі пшанічнай мукі (часам выкарыстоўваюць крухмал).

Варыянт №3

Змяшаць 1 л піва з 5 бутонамі гваздзікі і невялічкі кавалачак цынамону. Падагрэць гэтую сумесь , не даводзячы да кіпення, затым працадзіць і пакінуць на слабым агні. Расцерці 4 яечныя жаўткі з 200 г цукру і, паступова дадаваць гарачае піва, загусціць на пары. Пры гэтым трэба сачыць каб сумесь не закіпела.

Піва для гэтых рэцэптаў можна выкарыстоўваць рознае, і адпаведна, вынік будзе розны. Падаюць цёплае піва звычайна ў высокіх бакалах.

Калі на піўную вечарынку атрымалася сабраць даволі шмат народу, цудоўным спосабам разварушыць кампанію можа стаць перацягванне канату.

Адзінае абмежаванне такога спаборніцтва – для яго правядзенне патрэбна досыць вялікае памяшканне. Але калі вечарынка праходзіць пад адкрытым небам – дадзены конкурс ідэальны.

«Чаго ж тут піўнога» – спытаеце Вы. А вось што…. да цэнтру канату прывяжам бачонак піва і ўсе фізічныя высілкі стануць адразу апраўданымі. Перамагае тая каманда, якая першай перацягне піва на свой бок. Гэты бачонак і пераходзіць у падарунак пераможцам. Межы, праз якія трэба перацягнуць піва, неабходна загадзя пазначыць, напрыклад крэйдай, калі перацягванне канату адбываецца ў памяшканні.

Для правядзення гэтага конкурсу вам спатрэбіцца ўсяго тры бутэлькі піва, тры піўныя куфлі і тры ўдзельнікі, якія жадаюць пабываць у ролі сусветна вядомага брусельскага пісаючага хлопчыка.

Гульцы сціскаюць бутэлькі піва паміж ног горлачкам уверх. Рукі адводзяцца назад. Пустыя куфлі ставяць перад гульцамі і тыя павінны як мага хутчэй наліць туды піва. Пераможца выпівае свой наліты куфаль.

Варта заўважыць, што гэты конкурс трэба праводзіць яшчэ да ап’янення кампаніі – удзельнікі пашкадуюць піва і будуць старацца не праліць міма куфля на падлогу.

У суботу, 26 верасня, ў Мінску на плошчы Бангалор пройдзе піўны фестываль, які запланаваны ў межах сталічнага восеньскага кірмашу. Арганізатарам гэтага мерапрыемства выступае Мінгарвыканкам.

На дадзены момант пра жаданне прыняць удзел у дадзеным фестывалі паведамілі толькі чатыры буйнейшыя айчынныя вытворцы: «Крыніца», «Аліварыя», «Брэсцкае піва» і «Лідскае піва». Спажыўцам будуць прапанаваныя больш за 80 гатункаў беларускага піва, у тым ліку новыя для нашай краіны нефільтраваныя гатункі, і таксама «жывое» піва.

Канчатковае рашэнне па правядзенню фестывалю было прынятае толькі сёння. Некаторыя піўныя і навінавыя сайты сёння раніцай паведамілі пра адмену гэтага мерапрыемства, бо «нечакана» ўзніклі супярэчанні звязаныя з пляцоўкай правядзення. Але Мінгарвыканкам днём канчаткова паведаміў, што фестываль усё ж адбудзецца. Такім чынам, восеньскі піўны фестываль будзе праходзіць ад 10 да 16 гадзінаў 26 верасня на плошчы Бангалор у Мінску.

На гэты раз прадстаўляем вашай увазе досыць цікавы спосаб варэння піва. Для прыгатавання такога напою вам нават не спатрэбяцца класічныя хмель ды солад.

3551) Піва з хваёвых парасткаў. Зрэзаць маладыя парасткі хвоі, даўжынёю ад 3 да 4 дзюймаў, пакрышыць на маленькія кавалачкі, зварыць у вадзе, працадзіць праз тканіну. На вядро вадкаскі пакласці 2 фунта цукру, варыць, пакуль не згусцее, як вадкая патака, зліць у бочачку, закупорыць, захоўваць у халодным, але сухім месцы, нават напрацягу цэлага году. Гатуючы піва, браць на кожныя 30 бутэлек вады – па 2 бутэльцы хваёвага адвару, кіпяціць дзьве гадзіны, даць астудзіцца, уліць у вінную бочку, пакінуць для браджэння, потым разліць па бутэльках.

Як бачым, рэцэпт просты, але не факт, што такі напой прыйдзецца па густу кожнаму.

Іншыя рэцэпты гэтага раздзелу